LEGAZPI CITY- Padagos an pagtataong asistensya kan Department of Social Welfare and Development Bicol sa mga naapektaran kan bagyong Kristine sa rehiyon.
Segun ki DSWD Bicol Director Norman Laurio sa intrevista kan Bombo radyo Legazpi napadagos an saindang koordinasyon sa mga lokal na gobyerno partikular na sa probinsya kan Albay asin Camarines Sur ngani na makapagtao nin asistensya.
Marurumduman na dakol na mga namamanwaan an naapektaran kan mahewasan na mga pagbaha.
Katakod kaini, sinierto kan opisyal na bastante an suplay nin mga food packs na ipapadara sa mga apektadong provincia huli ta nagpapadagos man an pag-augment kan central office.
Napag-araman na pwedesir man na maggamit an standby fund kan ahensya ngani na mas makadugang pa sa pondo na gagamiton sa pagtabang sa mga apektadong Bicolano.
