LEGAZPI CITY- Aminado si Albay Disaster Risk Reduction Executive Consultant Dr. Cedric Daep na an lahar an pirmihan na presente asin dae na mahahali pa urog na sa aktibong bulkang Mayon.
Ini an sa tahaw kan pagkahadit kan publiko sa posibleng liwat na pagdausdos kan lahar sa tahaw kan magkakasunod na raot nin panahon na nakaka apektar sa provincia.
Huli digdi, sinabi kan opisyal sa intrevista kan Bombo Radyo Legazpi na durante kan normal na sitwasyon, kinakaipuhan na magkaigwa nin regular na dredging asin desilting.
Kapareho ini sa pigigibo durante kan panahon kan emerhensya na nagkakaigwa nin emergency dredging asin desilting ngani na mas mapahewas an aagihan kan lahar asin magsadit an posibilidad na magdausdos sa mga kaharungan.
Nanindugan si Daep sa importansya kan preventive aproach ngani na maprotehiran an populasyon kan provincia.
