Ma-implementar an Department of Transportation – Metro Rail Transit Line 3 (MRT-3) nin “Heightened Alert Status” poon Oktubre 29 hasta Nobyembre 3, bilang parte kan saindang preparasyon para sa Oplan Byaheng Undas 2026.
Tanganing mapakusog an seguridad, an MRT-3 magdedeploy nin 700 na mga security personnel sa bilog na linya tanganing maseguro an kaligtasan kan mga pasahero, orog na huli sa piglalaoman na paglangkaw kan bilang kan mga biyahero sa panahon nin Undas.
May katuyuhan an lakdang na ini na mamantenir an karahayan asin seguridad sa laog kan mga istasyon asin sa bilog na operasyon kan MRT-3 mantang pig-oobserbar kan publiko an Undas asin pagbisita sa mga sementeryo asin memorial park.
Mientrastanto, pigsierto kan manehamiento na magpapadagos an operasyon kan MRT-3 sa normal sa maabot na Oktubre 29 asin 30.
