LEGAZPI CITY- Nakapagrehistro an Bicol region nin 94.6% na employment rate basado sa datos para sa bulan kan Abril, mantang 5.4% man an unemployment rate asin 1.3% na underemployment rate.
An nasabing datos an mas hibaba sa 96.1% na employment rate na nairehistro kan Abril 2023 asin unemployement rate na nasa 3.9 %.
Segun ki Department of Labor and Employment Bicol Officer in Charge Imelda Romanillos sa intrevista kan Bombo Radyo Legazpi na kinakaipuhan nin mas magayon na mga programa asin proyekto ngani na padagos na magbaba an numero kan mga warang trabaho sa rehiyon.
Katakod kaini, nagkondusir nin employemnt summit an ahensya kaibanan pa an ibang mga stakeholders ngani na matabangan an publiko na magkaigwa nin trabaho.
Na-aydentipikaran man an key employment generators kaibanan na an construction, whole sale, services, asin turismo.
Aminado si Romanillos na nagkaka problema an rehiyon sa mismatch kan skills kan mga aplikante sa pighahanap kan mga employers.
Huli digdi, nakipag olay na suboot an Department of Labor and Employment sa manlain lain na mga ahensya de gobierno dapit sa career service ngani na mas madaling mapunuan an mga bakanteng posisyon asin matawan nin trabaho an publiko.
