LEGAZPI CITY- Nahahadit suboot an nagkapirang mga obrero sa matinding init kan panahon na posibleng darahon kan pinag-aantisiparan na super El Niño.
Segun ki Bukluran ng Manggagawang Pilipino Chairman Leody De Guzman sa intrevista kan Bombo Radyo Legazpi na kinakaipuhan na tawan atensyon kan mga employers an kapakanan kan mga obrero puon Oktubre 2026 hasta Marso 2027 kun sain pinaglalaoman an peak kan matinding init kan panahon.
Nangapudan an opisyal sa mga kapitalista na pag-adalan an ventilation sa mga work spaces.
Segun pa ki De Guzman na dapat obligahon kan Department of Labor and Employment an mga employers na siertuhon na nagsusunod sa pagtataong proteksyon sa mga mangagawa.
Kun posible sa sitwasyon, pwedesir man suboot na ipaotob sa nagkapirang pagkakataon an flexible na oras kan trabaho o work from home.
Mientras tanto, pinayuhan man ni De Guzman an mga obrero na magkaigwa man nin sadiring preparasyon.
