LEGAZPI CITY—Nakapagrehistro nin 7.7% na inflation rate an Bicol region kan Agosto 2026, susog sa report kan Philippine Statistics Authority Bicol.
Susog sa pahayag ni PSA Bicol Chief Statistical Specialist Ray Merjilla, an pangenot na rason kan halangkaw na antas kan inflation rate an kan nakalihis na bulan an marikas na paglangkaw kan presyo nin food and non-alcoholic beverages na may 5.9% kun sain nasa 46.9% share sa pagtaas kan pangkahalatang inflation sa rehiyon; ikaduwa an transport na may 14.3%; ikatulo an housing, water, electricity, gas and other fuels na may 12.7% inflation rate.
Mantang an pangenot na nag-ambag sa overall inflation kan nasabing bulan an food and non-alcoholic beverages; housing, water, electricity, gas and other fuels; magin an transport.
Siring man an limang commodities na nag-ambag sa sa overall inflation kan Agosto 2026 enot na an rice; rentals; restaurants, cafe and the like; electricty; asin gasoline.
Nairehistro man an pinakahalangkaw na inflation sa Bicol kan nakalihis na bulan an provincia kan Camarines Norte na may 9.7%, mantang an may pinakahabang inflation an nairehistro sa Albay na may 5.5% inflation rate.
Kun ikukumparar man sa nakalihis na inflation kan Hulyo 2026, tulong provincia sa Bicol nairehistrong mas halangkaw na inflation rate kan Agosto kabale an Camarines Norte, Masbate asin Sorsogon.
Mantang nagbaba man an inflation rate kan Agosto kumpara kan Hulyo an provincia kan Albay asin Catanduanes; mantang nagtinir man sa inflation rate an provincia kan Camarines Sur.
Mientrastanto, kabale an Bicol sa 11 rehiyon sa luwas kan National Capital Region sa naghalangkaw an inflation rate kan Agosto 2026.
