LEGAZPI CITY—Nagsakat sa 8.6% an nairehistrong inflation rate sa rehiyong Bicol kan Setyembre 2026, susog sa Philippine Statistics Authority.
Segun sa pahayag ni PSA Bicol Regional Director Cynthia Perdiz, pangenot na rason sa paglangkaw kan antas nin inflation kan Setyembre 2026 kaysa kan Agosto 2026 an mas marikas na paglangkaw kan presyo kan food and non-alcoholic beverages na may 6.9% inflation rate.
Ikaduwang rason an marikas na paglangkaw sa presyo kan housing, water, electricity, gas and other fuels na may 14.1%; ikatulo an mga produktong pangsalud na may 6.9% inflation rate.
Mantang an pangenot na nag-ambag sa overall inflation kan nasabing bulan an food and non-alcoholic beverages na may 6.9% inflation rate. Ikaduwa an housing, water, electricity, gas and other fuels na may 14.1%; ikatulong nag-ambag sa overall inflation an transport na may 14.7% inflation rate.
An limang commodities na nag-ambag sa overall inflation kan Setyembre 2026 iyo an rice; electricity; rentals; restaurants, cafe, and the like; asin gasoline.
Mientrastanto, nairehistro an pinakahalangkaw na inflation kan Setyembre 2026 sa provincia kan Camarines Norte na may 10.8%, mantang an may pinakahababa na inflation an Albay na may 6.3%.
Dugang kan opisyal na kun ikukumparar sa nagin inflation kan Agosto 2026, nakapagrehistro nin mas halangkaw na inflation kan Setyembre 2026 an gabos na provincia sa Bicol.
