Nilinaw kan Department of Foreign Affairs na an Pilipinas man giraray an may hurisdiksyon asin derechos sa Ayungin shoal.
Ini an maski pa naglaog na an Pilipinas sa panibagong arrangement kaiba an China.
Sa nasabing arrangement, nagtugot an China na dae na uulangon pa an resupply mission kan mga Pilipino sa Ayungin shoal.
Nagkauyon man an duwang lado na magiging bukas an komunikasyon ngani na dae na maglala pa an tensyon.
Hasta sa ngunyan dae pa man pigpapaluwas kan Department of Foreign Affairs an naging detalye kan agreement asin kung sisay-sisay na mga opisyal kan Pilipinas na nakipag-ulay sa delegado kan China.
