Buminaba sa 27 an numero kan mga Chinese vessels na namataan sa nagkapirang parte kan West Philippine Sea (WPS) kan nakalihis na semana.
Segun ki Armed Forces of the Philippines (AFP)spokesperson for WPS Rear Admiral Roy Vincent Trinidad, mas hibaba ini kumparar sa 35 Chinese vessels na nairehistro sa nakalihis na monitoring report.
Puon Mayo 12 hasta 18, namataan an mga barko kan China Coast Guard (CCG) asin People’s Liberation Army Navy (PLAN) sa manlain lain na parte kan West Philippine Sea.
Sa Ayungin Shoal, walong barko an na-monitor, kaibanan an sarong People’s Liberation Army Navy vessel asin pitong China Coast Guard vessel.
Igwa man na kabilugan na 14 mga barko sa Bajo de Masinloc.
Sa presente padagos an tensyon sa West Philippine Sea huli sa pagklamar kan China sa haros bilog na South China Sea, kaibanan an nagkapirang lugar na pigka klamar kan Pilipinas, Vietnam, Indonesia, Malaysia, asin Brunei.
