Nahahandal an Department of Foreign Affairs sa pagdakol kan numero kan mga nairerehistrong Filipino na biktima nin human trafficking na na-trap sa mga scam centers sa bilog na Southeast Asia.
Susog sa ahensya, nakakaalarma an siring na mga report alagad sa ibong kaini dae sinabi kan ahensya kun pira na an report na saindang naresibi.
Bilang simbag digdi, sinabi kan ahensya na nakikipagtabangan na sinda sa saindang mga kataning na nacion siring kan Mainland Southeast Asia.
Nagpromesa man ini nin tabang sa Pilipino na distress mantang nakikipagkoordinar sa ibang mga nacion na makipagtabangan sa Pilipinas.
Tinawan-duon kan DFA na nagtetenir sindang committed sa pag rescue asin repatriation kan gabos nin mga Pilipinong biktima kan Human Trafficking.
Nangapudan man ini sa gabos na mga Filipino, overseas communities na suportaran an mga lakdang kan gobyerno kan Pilipinas na pugulan an gabos nin klase nin illegal recruitment asin exploitation.
