LEGAZPI CITY – Ipinagpasalamat kan Department of Education Bicol an pag-aprubar ni Presidente Ferdinand Marcos Jr sa diit-diit na pagbabalik kan school calendar pasiring sa tradisyunal na pagbubukas.
Basasdo sa Department of Education Order 3 series of 2024, mapuon an school year 2024-2025 puon sa Hulyo 29 ngonyan na taon asin magtatapos sa Albaril 15.
Sa intrevista kan Bombo Radyo Legazpi ki Department of Education Bicol Regional Director Gilber Sadsad, dakulang kaginhawann para sa mga estudyante asin paratukdo an nasabing direktiba.
Ini an huli ta dae na masapar nin matinding init nin panahon asin mababawasan man an pagpapaotob nin mga pagsuspendir nin klase.
Segun ki Sadsad, sierto man na mapapagayon an kalidad kan edukasyon sa nacion huli ta mas matututukan na an pag-aadal kan mga estudyante.
Inako kan opisyal na nagkaigwa nin negatibong epekto sa mga estudyante an sunod-sunod na suspensyon nin klase huli sa matinding init kan panahon.
