LEGAZPI CITY- Nangapudan si Agriculture Secretary William Dar sa mga hog raisers na makisumaro sa kampanya kan gobyerno kontra African Swine Fever (ASF) sa pagbisita sa Bicol.
Sa isinagibong press briefing sa ciudad nin Legazpi, tinawang duon ni Sec. Dar an importansya kan pagkakasararo kan gabos na nasa sektor nin pag-aataman nin orig nganing maibitaran an paglakop pa kan nasabing helang.
Abiso kan opisyal na tulos na magreport sa ahensya en kasong mahilingan nin mga sintomas kan ASF an atamang orig nganing na maisairarom sa quarrantine asin marikas na maaksyonan.
Aminado kaya an opisyal na may mga nagkakapirang hog raisers an mas pigpipiling itao an pagkakahelang an saindang atamang orig, rason nganing magdakol pa an mga apektadong hayop.
Tulos man na isasairarom sa culling o gagadanon an gabos na orig sa laog kan 1km radius kung sain makakapagrehistro nin kaso nin ASF, base naman sa 1-7-10 protocol kan ahensya.
Mientras tanto, nagpatanid pa si Dar na masasangatan nin magkakanigong kaso an mga mapoprobaran na dae nakikipagtabangan sa kampanya kan gobyerno kontra ASF.
