LEGAZPI CITY-Pigsugo kan Department of Agriculture (DA) sa mga nakatakod na ahensya kaini na repasuhon an saindang mga plano sa pagresponde sa El Niño nganing maibitaran an epekto kan matinding El Niño sa suplay nin kakanon asin presyo kan mga pangenot na barakalon.
Segun ki Agriculture Secretary Francisco Tiu Laurel Jr., gagamiton kan ahensya an mga leksyon na naeksperyensyahan sa makusog na El Niño kan 2024 nganing magin mas proactive sa pagresponde sa huma kaini ngonian na taon.
Kabali sa mga lakdang an pagpakusog kan patubig, pagbabago kan iskedyul nin pagtanom, pagsierto kan suplay kan mga inputs sa oma, asin mahigot na pagbantay sa mga imbentaryo nin kakanon.
Nag-hahanda man ini para sa mga posibleng pag-import asin iba pang interbensyon sa merkado kun kinakaipuhan.
Nagpaplano an ahensya na ibalyo an nagkapirang aktibidad sa pag-oma sa mga lugar na dai man gaano apektado kan El Niño, palawakon an cloud seeding asin solar-powered irrigation, asin magdistribwir nin mga binhi na dai naaapektaran kan tagmara asin emergency financial assistance sa mga apektadong paraoma.
An produksyon nin paroy piglalaoman man na mababa sa ikatulong kwarter kan 2026 huli sa epekto kan El Niño, na pwedisir makaapektar sa suplay nin kakanon asin magkawsa nin dagdag na pressure sa presyo.
