Maski pa nagluway sa 6.1% an inflation kan Agosto, nagtetenir na an pagkaon an pinakadakulang nagpamahal sa gastos kan lambang pamilyang Pilipino.
Nakatabang sa magluway kan food inflation, na nagbaba sa 4.6% an nakalihis na pagbarato kan gulay, root crops, asin batag.
Bahagya man na nagluway an paglangkaw kan presyo kan sira sa merkado sa nasabing peryodo.
Mientras tanto, nagsakat man an presyo kan iba pang pangenot na babarakalon siring kan prutas asin tinapay.
Nagsakat man sa 19.4% an inflation sa bagas huli sa paglangkaw kan presyo kan pataba asin pagbiyahe kan mga suplay.
Katakod kaini, sinierto ni Agriculture Secretary Francisco Tiu Laurel Jr. na bastante an suplay kan bagas sa nacion huli sa mga naani na paroy asin amay na pag-angkat bilang preparasyon sa El Niño.
