LEGAZPI CITY-Inaprubahan kan Department of Agriculture (DA) an pagtugdok kan mga farm-to-market roads asin tulay na nagkakantidad nin ₱2.06 bilyon ngani magkaigwa nin koneksyon an mga komunidad kan paraooma asin parasisira sa mga merkado.
Segun kay Agriculture Secretary Francisco Tiu Laurel Jr., sakop kan proyekto an 66 kilometro kan farm-to-market roads asin 310 linear meters kan mga tulay sa mga provincia kan Zambales, Oriental Mindoro, Masbate, Samar, Bukidnon, asin North Cotabato.
Kaiba man sa mga inaprubahan an mga irrigation system asin post-harvest facilities.
Pinondohan an darakulang parte kan mga proyekto sa irarom kan Philippine Rural Development Program (PRDP) Scale-Up infrastructure package na suportado kan World Bank.
Sinabi ni Laurel na makatabang an mga bagon kalsada asin tulang ngani mapadali an pagpapadara kan mga produktong agrikultural sa merkado asin mapababa an gastuson kan mga paraooma asin parasisira.
Target kan ahenys na maitao an natatadang mga proyektong pang-imprastraktura sa agrikultura sa irarom kan programa matapos an taon.
