Paramientras na sinuspinder kan Department of Agriculture (DA) ang pag-aangkat nin mga buhay na hayop asin pirang animal products gikan sa pitong nacion sa Middle East at Europe huli sa mga outbreak nin foot-and-mouth disease (FMD).
Sakop kan suspensiyon ang mga produktong hale sa Azerbaijan, Bahrain, Cyprus, Iraq, Israel, Kuwait asin Palestine.
Sa irarom kan Department Circular No. 39, ipinagbabawal an paglaog sa nacion kan mga live swine, cattle, karabaw asin iba pang hayop na pwedesir tamaan kan foot-and-mouth disease.
Kabale man sa ipinagbawal ang pag-aangkat nin fresh skeletal muscle meat, casings, tallow, hooves, horns asin animal semen hale sa mga nabanggit na nacion.
Sinabi kan ahensya na nagpuon an suspensiyon sa opisyal na report kan United Nations Food and Agriculture Organization na nagkumpirma nin mga outbreak kan FMD virus serotype SAT1 sa mga apektadong lugar.
Nilinaw kan DA na pwedesir man liwat na makalaog sa nacion an mga produktong pigkonsiderar na “safe commodities” kan World Organisation for Animal Health, basta nakatutugon an mga ini sa mahigot na import requirements asin veterinary standards.
Kabale digdi an UHT milk asin dairy products, heat-treated canned meat, protein meal, gelatin asin pirang processed hides asin leather products.
