LEGAZPI CITY-Nagsapar an sektor kan agrikultura nin P135.3 milyones na danyos asin kapierdihan huli kan mga nag-aging bagyong Maymay, Luis asin kan habagat.
Basado sa padagos na damage assessment kan mga regional offices kan Department of Agriculture (DA), nairehistro an danyos sa agrikultura sa Rehiyon Ilocos, Central Luzon, Calabarzon, Mimaropa asin Western Visayas, kun saen labi sa 4,000 ektarya nin agricultural areas an apektado.
An mga barakalon na nagsapar man nin pinakadakulang danyos asin pagkalugi, kabale ian paroy, mais, halangkaw an kantidad na mga pananom, mga hayop asin manok, siring man an mga pasilidad sa patubig, mga makina asin mga kagamitan.
An danyos gikan sa mga kalamidad nagresulta sa 4,465 metriko tonelada nin pagkalugi sa produksyon.
Bilang kasimbagan, sinabi kan DA na pwedisir maka-avail an mga apektadong paraoma nin P106.5 million na kantidad nin mga farm inputs arog kan paroy, mais, asin pisog nin gulay.
Pwedisir man sindang maka-avail nin maabot sa P25,000 na pautang hale sa Survival and Recovery Loan Program kan Agricultural Credit Policy Council.
