LEGAZPI CITY- Pormal nang ipignombra sa Alliance of Concerned Teachers (ACT) Bicol an Certificate of Accreditation gikan sa Civil Service Commission (CSC.)
Ineskplikar kan chairperson kan ACT Philippines na si Benjie Balbuena na an boot sabihon kaini, magkakaigwa na nin koordinasyon an saindang union sa Department of Education (DepEd.)
Irerepresentar suboot kan ACT Bicol an 13 bisyon kan partylist kun sain myembro an 55,000 na paratukdo sa bilog na Pilipinas.
Sinabi man ni Balbuena na magkakaigwa na nin negosasyon an lado kan ACT asin DepEd kun sain pag-oolayan an manlaen-laen na isyu asin mga ipigbubusol na interes kan mga paratukdo dapit sa edukasyon, ekonomiya, mga karapatan, polisiya asin mga isyung pan-sosyudad.
Dae pa kaya suboot namamatean hasta sa ngunyan an pagbabago para sa mga paratukdo sa Pilipinas kumpara sa mga pig-gagarantiyang tabang sa mga pulis asin militar.
Hagad ngunyan kan opisyal na makisumaro an gabos na paratukdo sa nasyun huli ta ini na suboot an saindang armas ngani na mangyari an haloy na nindang mga ipiglalaban na kamawotan sa gobyerno.
