LEGAZPI CITY-Nangapudan si dating Representative France Castro kay Palace Press Officer Usec. Claire Castro na magsagibo nin public apology huli ta “unfair” suboot an saiyang pahayag sa mga paratukdo.
Ini makalihis ipahayag ni Usec. Claire Castro na an mga paratukdo mismo an nagtutukdo sa mga estudyante na magin warang modo.
Segun kay dating Representative France Castro, sa intrevista kan Bombo Radyo Legazpi, na bilang sarong paratukdo, “unfair” suboot ini asin warang basehan.
Sinabi pa niya na sa saiyang dekada nang pagtutukdo, an wara pa siyang naririsa na paratukdo na nagtuturo nin kawaran nin modo sa mga estudyante.
Kaipuhan man suboot bawion ni Usec. Castro an saiyang mga pahayag asin mag-public apology huli ta kadakol na paratukdo an nagkulog an boot sa bako man totoong pahayag.
Dagdag pa kan dating mambabatas na garing pigbabasol pa niya an mga paratukdo sa mga kadahasang nagyayari mantang nakataya man an sainda mismong mga buhay.
Dapat suboot na maghagad nin dispensa si Usec. Castro huli ta “generalized” an saiyang mga pahayag.
Pig-iisip man kan dating opisyal na baka suboot igwang sadiring kadanasan si Usec. Castro alagad dai niya dapat suboot ini ipinahayag mantang gabos na paratukdo sa nacion an buwis buhay na nagtutukdo sa ibong kan hababang pasahod.
Bako man dapat arog suboot kaini an pananaw kan sarong pampublikong opisyal.
Dugang pa kaini na maraot an epekto kaini sa mga paratukdo, sa komunidad, magin sa sosyedad asin sa mga jovenes o estudyante.
Sa ibong kaini, sa hiling man kan dating mambabatas na dakulang pagkukulang sa mga otoridad sa seguridad sa mga eskwelahan na nagwalat nin responsibilidad sa mga magurang.
Dapat man suboot na bako sana sa seguridad hilingon an problema, kundi magin sa environment kan mga aki, poon sa saindang mga harong.
