LEGAZPI CITY—Karsel an bagsak kan Rank 2 Provincial Most Wanted Person kan Catanduanes sa ginibong manhunt operation sa Brgy. Mayamot, Antipolo City, Rizal.
Binisto an suspek na sarong 42-anyos na paratukdo asin residente kan Viga, Catanduanes.
Ginibo an pag-aresto sa bisa kan warrant of arrest na pinaluwas kan korte para sa apat na numero nin kasong statutory rape kun sain warang pigtalaang piyansa para sa saiyang paramientras na libertad.
Kinundusir an operasyon sa pinagsanb na pwersa kan Catanduanes 1st Provincial Mobile Force Company, Viga Municipal Police Station, Catanduanes Provincial Intelligence Unit, Catanduanes 2nd PMFC, asin Antipolo Component City Police Station.
Sa presente nasa kustodiya na kan mga otoridad an suspek para sa magkakanigong dokumentasyon asin disposisyon.
