LEGAZPI CITY-Kinuwestiyon ni Atty. Michael Poa an nagin pahayag ni prosecution panel member Atty. Lorna Kapunan na inapod na “scam” an orolay kan confidential funds kan Office of the Vice President asin DepEd sa irarom ni Vice President Sara Duterte.
Segun kay Poa, dai dapat gamiton an nasabing termino huli ta Audit Observation Memorandum (AOM) pa sana an pigtatalakay sa impeachment trial.
Sinabi niya na maayos asin igwang paggalang na inihayag niya an pagtutol kay Atty. Kapunan.
Naenot nang sinabi ni Kapunan na saro suboot na “scam” an paggamit kan confidential funds, asin iginiit na ginagamit an kaban kan bayan sa ibang obheto asin “pigbubudol” an taumbayan.
Mientras tanto, sa hiwalay na pahayag, tahasang inihalintulad ni Bicol Saro Partylist Rep. Terry Ridon an isyu sa mga
naenot nang kontrobersiya arog kan Napoles pork barrel scam asin fertilizer fund scam, an confidential funds ni VP Sara huli sa suboot mga kuwestiyonableng benepisyaryo asin kakulangan kan dokumentong sumusuporta sa paggamit kan pondo.
Dagdag pa ni Ridon na nasa kampo na ni Vice President Sara Duterte ngonian an responsibilidad na pabulaanan an mga narisa kan Commission on Audit (COA) katakod kan suboot iregularidad sa P612.5 milyong confidential funds.
