Ipigduon kan kampo ni Vice President Sara Duterte na igwang preparadong estratehiya an depensa ngani na ipaliwanag an paglangkaw kan net worth kan bise presidente puon kan 2007 hasta 2025, kun kakaipuhanon ini sa paglilitis sa impeachment.
Segun ki Atty. Michael Poa, maabot an pagkakataon na maipaliwanag kan depensa an mga pagbabago sa net worth, posibleng sa paagi kan mga masunod na testigo o sa sadiri nindang mga ebidensya.
Ipinaliwanag ni Poa na an testimonya ni Ombudsman records officer Atty. Karen Batu an nakabase sana sa saiyang personal na eksperyensya asin mga narisa sa saiyang trabaho.
Nagin malikay man suboot si Batu sa pagtataram na dae siya makakapagtao nin kongklusyon dapit sa mga nasabing isyu.
Ipigduon ni Poa na pinag-iisipan na kan depensa kun papano ipapaliwanag an mga nakalaag sa SALN ni VP Duterte, alagad dae muna niya ipigheras an saindang partikular na estratehiya.
Inenganyar man ni Poa an publiko na halaton an parte kan depensa sa paglalahad kan saindang ebidensya, kun sain pwedesir nindang ipaliwanag an kinakaipuhan na detalye katakod kan net worth kan bise presidente.
