LEGAZPI CITY-Nadisganar an mga paratukdo makalihis kumpirmaron kan Department of Education (DepEd) na dai makakapag-hire nin mga bagong public school teachers sa taong 2027 huli sa budget cuts.
Segun ki Alliance of Concerned Teachers Chairperson Ruby Ana Bernardo, sa intrevista kan Bombo Radyo Legazpi, na nakakadismaya ini makalihis nindang maaraman na “zero” an funding sa mga paratukdo na nagmamawot makalaog sa mga pampublikong eskwelahan mantang malinaw sainda na igwang kakulangan sa mga klasrums.
Ini sa tahaw suboot kan pagmamawot na masierto an teacher-student ratio, huli sa 14,000 teacher shortage sa nacion na dai nag-uuyon sa global standing kan mga estudyante ngani magkaigwa nin kalidad na edukasyon.
Sinabi ni Bernardo na an epekto kaini, pirmihang shifting sa klase, siksikan sa mga klasrums, mantang kadakol na trabaho sa mga paratukdo sa ibong kan hababang pasahod.
Ikinadisganar ini kan mga paratukdo sa ibong kan mga promisa suboot ni President Marcos mantang warang magayon na mensahe an replika kan budget para sa edukasyon.
Orog na suboot ngonian na dakulang kahaputan kun papano piggagasta an pondo kan bayan sa tahaw kan mga isyu sa mga proyekto.
Dapat sana suboot na dai magtios an sektor asin maibalik an budget kan departamento.
