LEGAZPI CITY-Padagos na pigpapangapudan kan grupo nin mga paratukdo an pagsasabatas kan propwestong P50-K monthly entry-level salary sa mga pribado asin pampublikong paratukdo sa nacion.
Segun kay Alliance of Concerned Teachers Chairperson Ruby Ana Bernardo, sa intrevista kan Bombo Radyo Legazpi, na padagos an saindang pakikipag-laban sa paagi kan pagkumbinse asin pagpapahiling na seryuso an mga paratukdo sa pangapudan na dagdagan an pasahod.
Siring man an saindang personal economic relief allowance na haloy na suboot na nakapako poon pa kan taong 2009.
Sa ibong kaini, dai man suboot sinda tugot sa budget cuts ngani makapag-hire nin bagong mga paratukdo huli ta kadakol suboot na pinag-aagihan an mga ini poon sa proseso, pagpasar kan exam, asin paglaog ngani sana makapag-tukdo sa nacion.
Alagad, makadismaya suboot na sa ibong kaini, warang naghahalat sa sainda asin kaipuhan pang maghalat nin taon bago makalaog sa Department of Education (DepEd).
Tinawan doon kan grupo na dai sinda mapundo hanggat warang pondo para sa pagkua nin mga bagong paratukdo asin babantayan man ninda na dai na magbaba pa sa 6% an GDP sa budget kan sektor, orog na igwang kaltas na haros P45 Bilyon an budget para sa edukasyon
