Dagos nang nakalaya si Mary Jane Veloso makalihis matawan nin absolute pardon ni Presidente Ferdinand Marcos Jr.
Emosyonal na nagluwas si Veloso sa Correctional Institution for Women sa ciudad kan Mandaluyong kan Biyernes nin banggi.
Kapot kaini an dokumento kan saiyang absolute pardon.
Ipigpaabot kaini an saiyang pasasalamat ki Marcos makalihis an pardon asin matawan nin tsansa nganing makabalik sa piling kan saiyang pamilya.
Nagtutubod ini na dae pa huri an gabos kaya may tsansa pa ini nganing masubaybayan ang saiyang mga aki.
Magigiromdomang pinirmahan ni Marcos an absolute pardon ni Veloso kan Setyembre 24.
Kan Disyembre 2024 kan ilipat sa kustodiya kan Pilipinas si Veloso makalihis an pagkakakulong nin pirang taon sa Indonesia.
Nahatulan si Veloso nin death penalty huli sa pagdara nin iligal na droga kun saen nakatalaan kuta ining bitayon kan Setyembre 2015 sa paagi kan firing squad asin sa huring minuto an naarestar an babaeng nag-recruit kay Veloso kun sain kinasuhan ini nin human trafficking kaya naging prosecution witness na si Veloso.
Sa ngunyan an pighahalat pa ni Veloso ang saiyang pamilya na hale pa sa provinca bago ini dagos na makaluwas na nin correctional facility.
