LEGAZPI CITY- Kinumpirmar kan mga lokal na opisyal kan Catanduanes na igwang tuminamang buhawi sa nagkapiramg mga kaharungan sa banwaan kan Caramoran.
Segun ki Catanduanes Provincial Disaster Risk Reduction and Management Office Operations Chief Roberto Monterola sa intrevista kan Bombo Radyo Legazpi na nasa tulong harong an totally damaged.
Afuera digdi, 34 na iba pa an partially damaged huli sa nasabing buhawi.
Napag-araman na napaabutan na man nin tabang an nasabing mga biktima.
Mientras tanto, nagpagirumdom man si Monterola sa publiko na magin vigilante asin magsunod sa mga lokal na gobierno kun pigpapa ebakwar an mga ini sa panahon kan kalamidad ngani na maibtaran an anuman na dae pinaglalaoman na mga insidente.
