LEGAZPI CITY- Nakatalaang ideklara ngonian na aldaw na 100 porsyentong klarado na sa problema sa iligal na droga an Brgy. Bogtong sa ciudad kan Legazpi siring man na wara nang nagi-imbwelto digdi sa lado kan mga constituentes.
Sa intrevista kan Bombo Radyo ki Brgy. Kapitan Mando Toledo, nagpadukot naman an mga opisyales kaibanan an mga personahes kan Legazpi City Police kan mga magkakanigong poster na kinapapalamanan kan pig-aabangan na anunsyo.
Mientras tanto, bukas man suboot an lado kan kapulisan sa ciudad siring man an mga opisyales sa barangay sa anumang mga subong asin ipapaabot na reklamo kun en kaso igwa pang mag-imbweltong mga personahes sa illegal drugs.
Katakod kaini, inengganyar kan kapitan an mga constituentes tangarig na makipagkoordinar sainda asin maibuyagyag an estada kan mga indibidwal na tinawanan pang patanid kan opisyal.
