Pig-aabangan na ngunian kan mga tyuper kan jeep sa Sorsogon an bigtime oil price rollback sa masunod na semana.
Segun kay Ramon Dealca, an Presidente kan Sorsogon Integrated Transport Federation (SORINTRAFED) sa intrevista kan Bombo Radyo Legazpi, magiging P51 pesos na sana an kada litro kan krudo kun matapyasan ini nin nasa P1 sagkod P2 pesos sa kada litro.
Segun pa sa opisyal na dakula an matitipid kan mga driver lalo pa’t may laog an mga estudyante asin mga trabahante.
Alagad ngunian na long weekend, nagdiit suboot an commuters kun kaya nag adjust na nguna an mga drivers kan jeep sa pagpensar kan apat na aldaw na pagluya kan mga pasahero.
Mientrastanto, magayon man liwat an bareta sa maabot na martes huli sa balik-eskwela na liwat an mga estudyante asin may dakula pang tapyas sa presyo kan mga produktong petrolyo.
Pangapudan na sana kaini na mag dagos- dagos na an rollback sa presyo kan mga produktong petrolyo kun saen maikukunsiderar na amay na pamasko kan gobyerno.
Kun babalikan, pig-anunsyar kan Department of Energy na igwang namumurong big time rollback sa presyo kan produktong petrolyo sa masunod na semana na maabot sa Dos pesos sa kada litro.
