LEGAZPI CITY-Pangapudan ngonian kan Bicolana Gabriela na halion na an Value Added Tax o (VAT) sa mga pangenot na barakalon.
Ini makalihis an matinding pagtios kan mga minimum wage earners sa hababang sahod na labi P395 kumparar sa propwestong P1, 200 family minimum wage.
Segun kay Bicolana Gabriela Spokesperson Jen Nagrampa, sa intrevista kan Bombo Radyo Legazpi na kinakaipuhan an pakikiaram sa isyu kan paglangkaw kan sahod kan mga obrero huli sa matinding hagupit kan halangkaw na presyo na epekto kan tensyon sa Iran, Israel asin Estados Unidos.
Sinabi pa ni Nagrampa na saro ining porma kan economic abuse kun sain bako bastante an sahod kan mga obrero.
Dugang pa niya na an enot na naaapektaran kaini, iyo an mga konsyumer orog na an mga ini na pirmihang nagbu-budget sa kada harong.
Kasabay kan komemorasyon kan International Women’s Month, kinakaipuhan suboot an paghale sa VAT ngani makaagapay an gobierno sa mga kababaihan asin sa gabos na mga obrero.
Mientrastanto, mawot man kan Bicolana Gabriela na maamiendahan asin maipasar an ley para sa electronic violence orog na nagdadakol an mga domestic violence sa kababaihn sa social media.
Magsasagibo man an grupo nin forums, podiums, asin magpapapirma nin petisyon ngani ibusol an mga reporma bako sana para sa mga kababaihan kundi sa gabos na mga obrero.
