LEGAZPI CITY- Pinag-aantisiparan na magtetenir na makaka eksperyensya an rehiyong Bicol nin kalat kalat na mga pag-uran hasta sa pagsabat kan bagong taon sa Enero 1.
Ini an katakod kan padagos na epekto kan shear line asin Intertropical Convergence Zone.
Segun ki weather specialist Ariel Zamudio sa intrevista kan Bombo Radyo Legazpi na maski pa bako dagos-dagos an mga pag-uran posible man liwat ining maka apektar sa mga nasa low lying areas.
Nilinaw man kan opisyal na an mga pag-uran antes an pagsabat kan bagong taon an bako kasing kusog kan naeksperyensyahan durante kan pagselebrar kan pasko.
Sa ibong kaini, padagos na pigpapa alerto an mga namamanwaan huli sa posibleng epekto kan nasabing mga pag-uran.
