LEGAZPI CITY-Nagpatanid an Bureau of Fire Protection Daraga Albay sa mga residentes na dai a nin video mantang nagsasagibo sinda nin operasyon sa kasulo.
Huli ini sa kasulo na nangyari sa Purok 9 Tagas Daraga, Albay, alas 4:32 nin pagkahapon kan nakaaging aldaw, kung sain 1 residential na harong an natupok asin nadamay an mga kataning kaini.
Segun kay Bureau of Fire Protection Daraga, Senior Fire Office 1 Jade Malto, sa intrevista kan Bombo Radyo Legazpi, na ikonsiderar muna kan mga residentes an pagtabang asin pag-contact sa pinakaharaning ahensiya nin mga bumbero bago magkua nin mga cellphone asin magkua nin video mapadapit sa mg kasulo sa lugar.
Nakakaulang suboot an nagkapira na nagkukua nin video sa saindang operasyon asin pwedisir man sindang magkaigwa nin violation na pigapod na obstruction of fire operation.
Abiso man kan opsiyal sa mga residentes na mantang igwang kasulo o anuman na emerhensiya, inuton an mag-contact sa pinakaharani na ahensiya ngani makaresponde sinda tulos asin ipinagbabawal suboot an pag-video sa gilid kan operasyon.
Dagdag pa ni Malto na warang maraot mag-video o mag-live alagad mas importante na inuton an pagtabang muna sa nasambitang insidente.
