LEGAZPI CITY – Sapol sa dash cam video an sarong aksidente sa kahalabaan kan Maharlika Highway sa Barangay Ubaliw, Polangui, Albay kasubagong hapon.
Sa video, mahihiling an sarong tricycle na pigbabaybay an nasabing highway kan biglang ma-sagi kan sarong kasabayang kotse.
Digdi na nawaran nin kontrol an tricycle hasta sa suminalpok ini sa kasabatang truck na nasa ibong na linya.
Nahagip man sa video an pagtalyap kan driver asin backride kaini mantang mahihiling man na nayupi an hampangang parte kan tricycle sa huli sa tindi kan banggaan.
