LEGAZPI CITY- Arestado an apat na katawo mantang duwang suspek an nakadulag sa isinagibong anti-drug operation kan PNP sa sarong drug den sa Barangay Sto.Cristo, Tabaco City, Albay.
Segun sa Tabaco City Police Station, nagserbi nin search warrant an saindang mga personahes sa harong kan drug personality na si Fernando Buena alyas Pando, 64 anyos.
Alagad pag-abot sa lugar naaktohan an suspek kaiba an limang iba pa mantang naggagamit nin iligal na droga.
Huli digdi tulos ng pinusasan si Buena asin an mga nagbibisita sa drug ben na sinda Jeffrey Placido, Marcelino Arabia, asin sarong menor de edad na lalaki.
Nakadulag man an duwang pag-iriba kan mga suspek na pig-aaram pa man sa ngunyan an pagkakabisto asin pigbabakay na kan mga pulis.
Narekober sa lugar an sarong transparent bag na may pigtutubudang shabu, anom na sachet nin droga, apat na improvised burners asin iba pang mga drug paraphernalia.
Sa ngunyan nakakarsel na an mga suspek na nahahampang sa kasong pagbayolar sa Acta Republika numerado 9165 oan Comprehensive Dangerous Drugs Act of2002
