LEGAZPI CITY- Pighahalat na sana an pagpublikar kan Anti-Vandalism Ordinance sa ciudad kan Legazpi tangarig na pormal nang maapod na epektibo an implementasyon kaini.
Sa intrevista kan Bombo Radyo Legazpi ki Engr. Noel Encinares kan City Engineering’s Office, nag-arangkada naman suboot an pag-oolay ninda kan Legazpi City Police sa pamamayo ni P/Supt. Elcid Roldan kun saen an PNP an lead agency sa enforcement asion apprehension kan mga mabayolar.
Pag-eksplikar pa ni Encinares na matabang sana an saindang opisina sa estimation asin assessment kan cost of damage siring man sa pagtatao nin pintura na gagamiton para sa rehabilitation kan mga areas na may vandals.
Naresibe naman kan ahensya an kopya kan ordinansa kaya preparado na suboot sinda en kaso pupunan na an pagdakop sa mga pasaway na mahilig magpara-surat sa mga establisyemento urog na kun banggi.
Mientras tanto, inako man kaini na nagkukulang sinda sa mga materyales sa ongoing projects kun kaya pigkakarkulong dae pang 50% an na-accomplish sa mga ini.
Sa lado man kan mga proyekto sa drainage system, dikit pa sana an progress huli ta kakapuon pa man sana.
