Mayorya kan mga senador sa US Senate an nagsuporta sa military campaign ni US President Donald Trump kontra sa Iran.
Naibasura an resolusyon na pigpapangenotan kan mga Democrats, na obhetong ipundo an giyera hasta sa warang pagtugot an Kongreso.
Sa botong 52-47, nagpalyar an Senado na ibusol an war powers resolution na obhetong limitaran an poder kan presidente sa pagpapadagos kan military operations kontra sa Iran.Solamenteng si Democratic Senator John Fetterman kan Pennsylvania an nagboto na kontra sa resolusyon, mantang dae man nakaboto si Republican Senador Jim Justice kan West Virginia.
Ipigpapahiling kan resulta kan botohan na padagos an suporta kan Republicans sa polisiya ni Trump.
Ini na an ika-apat na bes na nagbalo an mga Demokratiko magpasar nin kaparehong resolusyon puon kan magpuon an giyera, alagad anas nagpalyar huli sa pagharang kan mga Republicans, afuera ki Senador Rand Paul kan Kentucky na na nagboto na pabot sa propuesto.
Obheto kan resolusyon na an anuman na aksyong militar kan Estados Unidos an igwang klaradong basbas kan Kongreso, susog sa ipigtatalaan kan ley dapot sa poder kan pagdeklarar nin giyera.
