Inihayag kan sarong maritime law expert na dapat na palayason na kan Pilipinas an Ambassador asin mga embassy personnels kan China digdi sa Pilipinas kasunod kan pinakahuring insidente sa West Philippine Sea.
Segun kay Dr. Jay Batongbacal, dae man naotob ni Chinese ambassador to the Philippines Huang Xilian an trabaho kaini na maggibo nin mga diplomatikong paagi ngani na maibitaran na an tensyon sa pagultangan kan Pilipinas asin China.
Huli digdi, wara na nin rason ngani na padagos pang akoon kan Pilipinas an mga diplomats kan China kung kaya dapat na palayason na ini.
Tinawang duon ni Batongbacal, na kaipohan na maggibo nin mahigot na lakdang an gobyerno kan Pilipinas ngani na maipaabot an pagkadismaya sa ginibo kan China.
Nanindugan man an eksperto na bako pang bastanteng rason an pagkaputol nin guramoy kan sarong miyembro kan Philippine Navy ngani na magpuon na nin gera, alagad kaipohan na magkaigwa nin mahigot na paninindugan an Pilipinas.
