LEGAZPI CITY-Masabak si Alex Eala sa Tokyo, Japan para sa saiyang debut sa Toray Pan Pacific Open sa maabot na Oktubre 26.
An WTA 500 tournament saro sa stop ni Eala bilang Asian swing asin WTA season mantang piglalaoman niya an suporta kan kadakol na mga Pilipino sa papaabot na laban.
Excited man an Pinay Tennis Star sa pagsabak sa Pan Pacific Open ngonian na taon.
Huli ta kadakol an audience sa Tokyo asin mas excited siya sa magigin eksperyensya niya kaiba an Filipino community sa nasabing venue.
Piglalaoman man ni Eala an suporta asin mawot na madalan siya kan ibang mga players asin mga fans.
Si Eala presenteng nasa No. 20 sa pinakahuraing WTA rankings makalihis madaog sa Ningbo Open sa China.
Dinaog niya man si Diane Parry para sa pagbukas kan saiyang kampanya antes na madaog ni Diana Shnaider sa round of 16.
Mientras tanto, matapos an Toray Pan Pacific Open, mapasiring naman siya sa Hong Kong Tennis Open ngani tapuson an saiyang enot na WTA season, makalihis na manggana sa singles title sa Washington, D.C.
Nakatalaan man siyang makipaglaban sa an exhibition event sa Philippine Arena maabot na Disyembre 8.
