LEGAZPI CITY-Pigkokonsidera kan Albay Electric Cooperative, Inc. (ALECO) an pagpapadara nin mga personahes sa mga lugar na kaipuhan nin power restoration.
Segun ki Aleco Public Information Officer Anj Galero, sa intrevista kan Bombo Radyo Legazpi, na basado sa saindang ipinadarang team an wara man nin dakulang danyos an Bagyong Tino sa provincia afuera sa nagkapirang power interruption sa may parte kan Taysan sa Legazpi City.
An rason suboot kaini an pirmihang pagdukutan kan mga linya nin kuryente sa lugar enkaso igwang makukusog na paros alagad marhay sana suboot an dai nadanyaran an iba pang mga ekipahe kan nakalihis na bagyo.
Nagin makaskas man suboot an saindang pagresponde asin ikokonsidera man an augmentation katuwang an Bicol Electric Cooperative Association Inc. (BECA) na ipapadara ngani magtabang sa mga nangangaipohan nin power restoration.
Pagirumdom kan opisyal na pirming magingat siring man enkaso may mga naputol na linya nin kuryente an dai ini paghiroon asin ikonsidera an pagsasaayos kaini para sa mga kooperatiba.
