LEGAZPI CITY – Padagos an pagtaong suporta kan Albay Provincial Social Welfare and Development Office (PSWDO) sa mga dating rebelde na nagbalik loob sa gobierno.
Segun kay Jessa Ella an Focal Person kan Albay PSWDO sa intrevista kan Bombo Radyo Legazpi na nakalaog an mga dating rebelde sa Enhanced Comprehensive Local Integration Program (ECLIP) na kun sain nakakaresibe sinda nin manlain-laing assistance hale sa ahensya kan gobierno.
Prayoridad sinda kan naunambitang program nganing matabangan an mga ini asin nganing mabawasan an insurhensya na nagtataong huma sa enterong nasyon.
Dakulang tabang suboot an mga siring kaining lakdang nin huli ta nagtatao ini nin paglaom sa mga dating rebelde na magbalik loob sa gobierno.
Pigtawan doon ni Ella na kaipuhan na magtarabangan an gabos bako lang an mga ahensya kundi pati na man an mga barangay sa pagtao nin asistensya nganing maisipan na kan mga grupo na magsurrender asin mamuhay nin normal mantang makikinabang man an publiko sa nasambitang inisyatibo nin huli ta matao ini nin makusog na pagpapaotob kan pazy orden sa provincia.
Pig-asigurar man kaini na padagos suboot an makukuwa kan mga ini na suporta nin huli ta padagos na matatawan sinda nin manlain-laing asistensya para sa saindang ikabubuhay.
Nagpapasalamat man ini sa mga nagbalik loob sa gobierno nin huli ta sinda an nagigin lyabi nganing magdakol an bilang kan mga nagsusuko nganing dagos nang mawara an insurhensya sa provincia.
