LEGAZPI CITY-Dakula an posibilidad na wara na suboot sa Estados Unidos si Ako Bicol party-list Rep. Zaldy Co.
Basado sa US Customs and Border Protection, kan Agosto 26, 2025 kan mag-abot an mambabatas sa New York.
Natawanan man an nasabing kongresista nin tourist visa hasta Pebrero 25, 2026.
Pagkatapos suboot kan 19 aldaw an naghale na an mambabatas sa New York.
Dai man masierto ni Speaker Faustino “Bojie” Dy III, kun nasa Europa na si Co.
Enot naman na sinabi kan tagapagtaram kan House of Representatives na nasa US si Co huli sa pagpapabulong sa saiyang helang.
Magigirumduman na binawi ni Speaker Dy an travel order ni Co asin saiyang pinapabalik sa nacion ngani simbagon an isyu kan insertion kan 2025 national budget.
