LEGAZPI CITY-Tahasang kinuwestiyon ni Atty. Mark Tolentino, abogado kan dating mamamahayag na si Jay Sonza, kun nata pigkonsidera bilang non-bailable an kasong unlawful publication asin unlawful utterances na kinakahampang kan saiyang kliyente.
Nagtutubod si Tolentino na mali an aplikasyon kan ley sa kaso ni Sonza asin pigdoon na may direchos ining makapagpiyansa.
Sinabi pa niya na an kasong unlawful publication katakod kan cybercrime sa irarom kan Cybercrime Prevention Act of 2012 asin Revised Penal Code, bakko man sakop kan padusang reclusion perpetua o life imprisonment.
Pigsierto man kan abogado na babantayan ninda an kada lakdang kan National Bureau of Investigation (NBI) ngani masierto na irerespeto an direchos kan nasabing mamamahayag.
Mientras tanto, inomaw man kan Presidential Communications Office (PCO) an aksyon kan NBI sa pagsangat nin kaso asin pag-aresto kay Sonza huli suboot sa pagpo-post kan fake news hinggil mapadapit sa salud ni President Ferdinand Marcos Jr.
