Nagsurendir na sa National Bureau of Investigation (NBI) an saro sa mga akusadong kaibanan ni dating house speaker Martin Romualdez.

Segun sa NBI na ginibo ni Felicito Cristobal Guevarra an pagsurendir kaini sa Forbes Park sa Makati City.

Naging matrangkilo asin matanos man an pagsurendir kaini sa public corrumption division kan NBI.

Si Guevarra an presidente kan Samchan Foreign Exchange Corp na naging kasangkapan suboot para sa kickbacks hali sa mga proyekto kan gobierno na an nakinabang iyo si Romualdez.

Dugang pa kan NBI na sa p aagi kan abogado kaini, napakarahay man an lugar kun sain ini masurendir.

Sinundo kan NBI si Guevarra sa napag-olayang lugar sa Santuario de San Antonio Parish sa McKinley Road sa Forbes Park kan Nobyembre 19.

Kasabay man digdi an pagsirbi kan NBI nin arrest warrant na ipinaluwas kan Sandiganbayan Third Division huli sa kasong plunder ki Guevarra, Romualdez asin iba pang mga akusado.

Nag-ugat an kaso hali sa suboot P7.44 bilyon na kickbacks kan dating speakers na nakapalaog sa national budges puon 2022 hasta 2025.

Kan Biyernes, isinumiter kan NBI an return of the warrant of arrest asin personal na iprenisenta si Guevarra sa Third Division kan Sandiganbayan.

Kasunod kan pagsuko ni Guevarra pinatawan ini kan Office of the Ombudsman nin conditional immunity sa irarom kan Section 17 kan Republic Act 6779 o an Ombudsman Act of 1989.

An immunity an ipigtao huli sa testimonya asin records kaini an importante ngani na magluwas an katotoohan sa nasabing kaso.

Segun sa Ombudsman na an testimonya ni Guevarra bilang may kapot kan Samchan an makakatabang sa prosecution ngani na maaraman an hiro kan pondo.

Marurumduman na naibalik man kan Samchan sa Bureau of Treasury an gabos na kinita kaini sa kuwestiyonableng transactions.