Nagpaplano an Philippine Animal Welfare Society (PAWS), kaiba an nagkapirang mga ataman na hayop na magsangat nin mas magabat na kaso kontra sa sarong pet crematorium na dai nakatao kan serbisyong piglalaoman digdi.

Segun sa PAWS Executive Director Atty. Anna Cabrera, nag-aandam sinda na magsangat nin panibagong kaso laban sa Ajhay Pet Crematorium asin sa mga indibidwal na imbuelto digdi.

Sinabi niya na boot nindang panimbagon an mga partidong ini para sa mas magabat na mga kasong kaso, dugang pa sa enot na reklamo nin estafa na dati nang isinangat kan National Bureau of Investigation (NBI) sa Department of Justice.

Huli kaini, an saindang kampo padagos na nagtitipon nin dugang pang ebidensya tanganing iitaas an mga akusasyon sa syndicated estafa.

Dugang pa kan abogado, obheto nindang maabot an total na 25 counts, huli ta katumbas ini kan bilang kan mga labi nin hayop na orihinal na nadiskubre sa Bulacan.

Ipinaliwanag ni Atty. Cabrera na pighahanap ninda na i-upgrade an akusasyon sa syndicated huli ta ini sarong non-bailable offense—na an boot sabihon dai tutugutan na magpiyansa an akusado.

Tanganing mapakusog an kaso, hinahagad kan ley an dai mababa sa limang “prinsipal” na nag-oolay asin nagplano kan pandadaya na aktibidad.

Mientrastanto, ipigheras man kan abogado kun sirisay pa an pwedesir mahampang sa kaso, afuera pa sa tagsadiri kan pet crematorium.

An nasambit na pet crematorium imbwelto sa sarong isyu na igwang kinaaraman sa suboot pagtapok kan mga labi nin hayop sa Bulacan, siring man an pagkadiskubre kan mga urns na igwang laog na mga substansiya afuera sa abo kan mga ataman na ayam o hayop.