Ipinagheras na kan Department of Health an 250 thermal ablation machines sa mga piling lokasyon sa manlaen-laen na rehiyon tangani mas pakusugon an mga serbisyo sa pagbulong kontra sa pre-cancer sa cervix sa bilog na nasyon.

An mga kagamitan na ini an donasyon kan gobyerno kan Japan, katabang an Expertise France, Unitaid, asin World Health Organization, bilang parte kan pinakusog na nasyunal na kampanya kontra sa cervical cancer.

An lakdang na ini nagpapatibay sa mga presenteng programa sa paglikay, pagsusuri, asin suporta pinansyal arog kan school-based HPV vaccination, HPV DNA testing, Visual Inspection with Acetic Acid, asin Pap smear.

Kabali man digdi an PhilHealth YAKAP Cancer Screening, DOH Cancer Assistance Fund, asin PhilHealth Z Benefit Package tangani mas magin abot-kaya an tabang medikal sa mga namamanwaan.

Katuyuhan kaini na masigurar na wara nin Pilipinong napapabayaan sa dekalidad na pangangatamang medikal.