Luminobo na sa 5,835 an nairehistrong kaso kan leptospirosis sa bilog na nacion ngunyan na taon, basado sa datos kan Department of Health.
Pinakadakol na kaso an nairehistro sa National Capital Region na may 1,733, mantang igwang 632 kaso sa Central Luzon asin 561 sa Cagayan Valley.
Basado sa pinakahuring datos kan ahensya, nasa 19% na mas hibaba an kabilugan na kaso kumparar sa 7,187 na nairehistro sa kaparehong panahon kan nakalihis na taon.
Nagbaba man an numero kan mga nagadan hali sa 764 kan 2025 sa 385 ngunyan na taon.
Sa ibong kaini, nagpatid an DOH na dae maging kampante an publiko yrog na ngunyan na padagos an pagbaha sa nagkapirang lugar.
Pagirumdom ni DOH Epidemiology Assistant Secretary Gerna Manatad, tulos na magkarigos gamit an sabon asin malinig na tubig an siisay man na naglusong o na-expose sa baha.
An leptospirosis an bacterial infection na pwedesir na makywa hali sa direktang contact sa ihi kan infected animals siring kan kino, urig, o sa mga lugar na kontaminado kaini, kaibanan an tubig-baha.
