LEGAZPI CITY—Nag-abot sa labi 1.79 million na indibidwal o mga joven sa Bicol region an nag-deworming kan January 2026 Round o katumpad nin 80.24% kan overall regional coverage.
Segun sa pahayag ni Darryl Balane, an Regional Integrated Helminth Control Program Coordinator kan Department of Health Bicol Center for Health Development, pinakahalangkaw na nairehistro kan saindang coverage an provincia kan Camarines Norte; ikaduwa an Catanduanes, asin ikatulo an Sorsogon.
Nagsakat man sa 364,021 na indibidwal an nag-deworming na may edad 1-4 anyos; 859,164 indibidwal na may 5-14 anyos; asin 580,928 indibidwal an nag-deworming na may edad na 15-19 anyos.
Segun sa opisyal na an January 2026 Round an saindang pinakahalangkaw nindang na-coverage kumpara kan nakalihis na taon asin naglalaom man sinda na maglangkaw pa ini ngunyan na July round huli sa target ahensya an 85% kan eligible population.
Nagkundusir man an ahensya nin town hall meeting sa mga local government units asin Department of Education para sa implementasyon kan Harmonized Mass Drug Administration; siring man na may ongoing sindang pig-procure na provision sa child deworming cards nganing maaraman mas ma-monitor an mga joven sa saindag huring deworming activities.
Afuera man sa mga eligible population na target na 1-19 anyos, nagde-deworm man sinda nin high-risk individuals kabale an paraooma, food handlers, pregnant women, women of reproductive age, suldados asin gabos na igwang direct contact sa kadagaan.
Mientrastanto, tionawan-doon ni Balane na an deworming sarong simple alagad importanteng paagi nganing mamantinir an salud kan mga kajovenesan kaya pig-engganyar niya an namamanwaan na makisumaro sa National Deworming Month ngunynan na bulan kan Hulyo.
