LEGAZPI CITY-Mantang warang pigbabantayang Low Pressure Area (LPA), piglalaoman na makakaeksperyesnya nin mauran na panahon an nagkapirang lugar sa nacion huli sa easterlies asin amihan ngonian na aldaw nin Biyernes, susog sa state weather bureau.
Kaiba digdi an nagkapirang lugar sa Eastern Visayas, Caraga, Davao Region, Soccksargen, Albay, Sorsogon, Catanduanes, Basilan, Sulu, asin Tawi-Tawi kun sain laoman an pag-uuran asin thunderstorms.
Mientras tanto, katamtamang pag-uran naman an dara kan amihan na maeeksperyensyahan sa hilagang parte kan Luzon, kabale an Cagayan, Isabela, Apayao, asin Kalinga, siring man an nagkraping isolated rains sa Ilocos Region asin sa natatadang parte kan Cordillera Administrative Region asin Cagayan Valley.
Makakaeksperyensya man nin isolated rain showers o thunderstorms an natatadang parte kan nacion huli sa epekto kan easterlies asin laoman an katamtamang parus asin banayad na hukol, orog na sa sirangang parte kan Luzon asin Visayas.
