Nagpuon na an Commission on Elections (COMELEC) kan voter registration kasuodma, Nobyembre 10, asin matatapos sa Hulyo 30, 2027.
Segun ki COMELEC Chairman George Erwin Garcia, target ninda na makarehistro nin 3 milyones na bagong botante para sa 2028 elections.
Tatanggapon an gabos na klase nin aplikasyon, kaiba an bagong rehistro, paglipat, reactivation, asin pag-ribay nin datos.
Igwa man nin Registration Anywhere Program, kun sain pwede magparehistro maski nasa ibang lugar sa laog nin tulong aldaw, asin sa mga eskwelahan para maenganyar an mga jovenes.
Pigtawan-duon ni Garcia na an mga jovenes an nagdikta kan resulta kan 2025 elections huli ta 45% sainda an nagboto, kaya kaipuhan na maengganyo sinda na magparehistro.
Apela niya na dai paghalaton an last minute huli ta dai na mag-e-extend an COMELEC.
Pig-estimate man kan COMELEC na maabot sa 74 milyones an total voters asin 26 milyones an SK voters sa 2028.
