LEGAZPI CITY- Bukas an Commission on Elections Bicol na sumunod sa pag-oktaba kan Barangay asin Sanggunian Kabataan elections na nakatalaan kuta sa Nobyembre 2026.
Segun ki Comelec Bicol Director Atty. Ma. Juana Valeza sa intrevista kan Bombo Radyo Legazpi na dae maibitaran na makamati sinda nin pagkadismaya huli sa gabos na paghihirap asin pagpapagal kan mga tauhan kan ahensya para sa gabos na mga preparasyon.
Kaibanan pa sa mga pinanghihinayangan iyo an mga nagastos na sa mga programa kan ahensya, siring na sana an pre-COC filing, na-imprenta na inisyal na listahan kan mga botante asin iba pa.
Sa ibong kaini, nasasabutan man suboot kan ahensya an rason sa pagpapalawig kan termino kan mga opisyal kan barangay, ini urog pang an nasabing mga opisyal an enot nagmamanehar sa mga programa para sa mga namamanwaan.
Kasunod kaini, magpapadagos man an gigibuhon na preparasyon kan komisyon para sa Presidential elections sa taong 2028.
Pinaglalaoman kaya na malangkaw an numero kan mga namamanwan na magpaparehistro.
