Liwat na nagpagirumdom an Commission on Elections (Comelec) na dae ninda aakseptaron sa voter registration an barangay certificate of residency asin cedula.
Sinabi ni Comelec Chairman George Erwin Garcia, na igwa ining mga nareresibe na impormasyon na igwang nagkapirang barangay officials an nagtatao nin mga certificates sa mga indibidwal maski bako man sinda residente kan saindang lugar.
Pinayuhan kaini an mga maaprobitsar sa voter reigistration na gumamit nin valid identifiation siring kan pasaporte, police clearance, National ID, postal ID, driver’s license asin National Bureau of Investigation clearance.
Aakseptaron man kan Comelec an mga library card, student ID asin senior citizen’s ID na mahihiling an pangaran kan aplikante, ladawan asin address.
